消費券出爐，全城傢俬、電器舖頃刻排晒長龍，但家中舊電器又應該點處理？由前區議員林進創立的良心搬屋公司「同行搬屋」近期宣佈與土瓜灣社區空間「土家故事館」合作，推行二手電器轉贈計劃，將客人棄用的電器免費轉贈予基層人士或社工轉介的家庭，落力實踐港人互助精神。
計劃首階段只收雪櫃、電視、洗衣機，須配件齊全、可正常操作及使用年期不超過5年。捐贈者只需要支付$400作搬運費用（搬屋客人免費），即可將二手電器直送到有需要家庭，而受惠者則毋須付費。
同行搬屋表示，一直以來都有接獲由社工轉介的搬屋單，受惠者由單親家庭、獨居老人、傷殘人士都有，眼見不少人因為經濟壓力而唔捨得換電器，加上移民客日益增加、許多舊電器棄之可惜，便決定託「土家」故事館幫忙聯繫有需要家庭，實踐「有能力者幫助別人，受惠者將精神傳承」的理念，同時亦歡迎其他機構或有需要家庭直接透過同行搬屋Facebook專頁聯絡。
不過身處困境的又點止社會基層，同行搬屋亦有位受官司費用纏身的年輕人需要大家幫忙，他們為此推出了一系列產品，包括由年輕人親手拍攝的Postcard、同行T-Shirt、Hoodies（價錢由$100起），勿以善小而不為，各位善心師又係時候出動。
【同行搬屋X土家故事館「二手電器轉贈計劃」】
聯絡方式：9170 4091（WhatsApp/Signal）或官方Facebook專頁
與年輕人同行傳送門：bit.ly/3KKrJ36
文｜Layne
圖｜同行搬屋
💛FOLLOW AndThen.hk
📘Facebook: AndThen.hk
📷Instagram: @andthenhk
Ⓜ️MeWe: AndThen.hk
