美食新聞報道｜黃嘉雯波波林映暉 分享母親節慶祝好去處

周日（11日）是母親節，黃嘉雯、倪嘉雯、伍倩彤、黃婧靈（波波）及林映暉5位TVB Plus節目《美食新聞報道》主持，憑藉豐富試食經驗為觀眾分享帶媽媽吃什麼菜式的心得。黃嘉雯表示今年母親節與愛犬Doxy有工作在身︰「我係狗仔母親，大會又好好咁邀請埋我媽咪，一齊喺愉景灣做嘢同食飯，三代同堂。今次係第一次帶住媽咪做嘢，又可以慶祝，寓工作於娛樂。我考慮緊預訂愉景灣嘅酒店食自助餐，全日幫母親慶祝。」

伍倩彤將在今晚播出的新一集節目中介紹韓國美食，她透露已為母親安排好一整日的慶祝節目︰「首先會去行街，因為媽媽同我一樣咁鍾意shopping，然後帶佢去食Omakase（廚師發辦），因為媽媽鍾意食日本菜，又可以飲酒、傾吓偈。」林映暉在一間西餐廳訂了位為母親慶祝，她說︰「暖黃燈光配上懷舊擺設，氣氛溫馨特別適合同媽咪慢慢享受同傾偈。」黃婧靈自言作為飲食節目試食員，理所當然是帶媽咪飲飲食食，目標是韓國菜。她表示︰「媽咪唔鍾意食生冷嘢，佢又係『辣妹』一名，會同佢去食韓國菜，夠熱又夠辣。」

（即時娛樂）