黃曦誼Candy與MC擦出愛火花　「佢好活潑好有Energy」

YOLO五位女主角之一的黃曦誼（Candy），於2019年曾與姜濤及陳卓賢合作微電影《戀愛要在生日前》，更被冠上「姜濤緋聞女友」的稱號。

Candy早前與MC張天賦在電影《夜校》合作，兩人在戲中互相傾慕，她表示不會擔心惹來「賦二代」（MC粉絲暱稱）羨慕或妒忌，她表示：「我相信賦二代們睇完齣戲之後，只會羨慕凌文龍前輩！」。

Candy對MC最深印象是：「佢好Nice，好活潑好有Energy，同埋真係好鍾意唱歌。」回想拍攝時的日子，Candy 表示：「大家係凌晨時間，喺又熱又焗嘅環境底下，又要跑又有各種動作，仲要我由第二日開始病到尾，愈拍愈瘦，係各種情況下進行拍攝，大家都有好多嘅挑戰，好難忘有趣，有呢個機會同經歷真係好難得，覺得好感恩。」

提到入行就遇到好多不同機會，Candy表示：「我有幻想過人生第一部電影會係各種類型嘅電影，不過從來冇諗過係喜劇。雖然由細到大睇港產喜劇電影，可以重覆睇無數次，但從來唔覺得自己有喜劇天份，所以都好高興有份參與其中。」

除了新戲值得期待，早前Candy為Dear Jane新歌〈浮床〉拍攝MV，更獻出螢幕初吻。Candy說：「我有一段時間冇拍MV，而今次MV有好多新嘗試，有甜蜜嘅戀愛，更有首次嘅吻戲同激烈嘅爭吵戲份。拍吻戲前覺得好緊張，我更要主動錫落游學修度，不過拍攝前導演Maggie同我都好做咗好多溝通，最後只需要兩take就順利完成。」