「大隻仔」溫家偉於2008年參加《香港先生選舉》時雖然落選，但憑住開朗的性格加上Fit到爆的外型而於翌年成功加入無綫做藝人，多年來參演過不少電視劇及綜藝節目，更因為唔咸唔淡的廣東話而深得觀眾歡迎。到去年溫家偉決心離巢，跟無綫結束10年主僕關係，轉去新加坡發展，近日更憑住參演劇集《Last Madame》於釜山國際影展奪得「最佳亞洲戲劇獎」！
溫家偉自從轉到新加坡發展後，似乎工作及生活都非常開心，不時拍片分享當地生活，更得到不少劇集演出機會。而他第一部演出的新加坡劇集《Last Madame》更在當地網上傳播率破紀錄，近日劇集更紅到去韓國，宣佈將於本月21日至30日舉行的第25屆釜山國際影展（Busan International Film Festival；BIFF）上奪得「最佳亞洲戲劇獎」，認真厲害。
溫家偉在回應傳媒時表示未有後悔離開無綫，坦言自己在無綫學到很多事，又透露之前因為疫情少了工作，但最近都開始拍攝兩套劇，而且因為在新加坡拍攝主要以英文為主，自己母語又是英文，所以讀劇本方面容易得多。
