政Whats噏：謝振中五一防暴Look曝光　實時掌握葵青現況

身穿防暴裝的謝振中(前排右一)，昨到葵青區實地了解況。

警察公共關係科(PPRB)前總警司謝振中，係反修例示威期間幾乎每日都係例行記者會上亮相，近排暴徒又話搞事，竟然有機會再見到佢，今次仲要一身防暴Look，眼前一亮。其實，謝Sir調到葵青警區出任指揮官後一樣好勤力，除咗出席區議會會議舌戰議員外，係佢督促之下葵青更成為首個向違反禁聚令人士發告票嘅警區，實現「零的突破」。

昨日(1日)係五一勞動節假期，謝Sir一樣無抖到，仲着晒防暴裝係區內巡視，戴住口罩嘅佢走近同事身邊，好親民。其實謝Sir落地，一嚟可以了解伙記嘅工作情況，二嚟亦可掌握現場動向，一旦發生突發事件，亦可以隨時調動人手，及時應對。