香港第五波疫情爆發，市民每日都提心吊膽，擔心自己中招，唯有去檢測站測試一下！近日天氣只得6-7度，加上落雨可謂非常凍，據TVB節目《東張西望》報道，一群老人家冒著雨及嚴寒，在檢測站外排隊等待進行檢測，加上檢測站並無特別安排，街坊凍到叫救命，看得使旁觀者心痛。
市民7度嚴寒冒雨排隊檢測 零特別安排！
街坊超辛苦凍到叫救命 伯伯妙問妙答苦中作樂
近日天氣寒冷，市區最低只得6-7度，大帽山更錄得0.6度低溫，加上落雨，體感氣溫只得2-3度，不過無論天氣幾凍，檢測仍然要繼續進行。雖然現場由排隊改為派籌，但市民仍然要冒著雨聽籌號，並無太大幫助。
TVB節目《東張西望》到訪檢測站，發現現場有不少老人家冒雨聽籌號，主持訪問了排隊的老人家，詢問他們預計今天要排多久，有婆婆回應「唉好凍呀，我都唔知呀，我想返屋企，我頂唔順，我而家好辛苦。」
主持再訪問另一位排隊的伯伯，主持問：「做咩呢今日喺度等？」，伯伯回應道：「做咩？做傻仔囉。」主持追問點解用傻仔嚟形容，伯伯則表示「那邊又話要攞籌，攞籌又要等」但就不知道要等多久，已站在原地一小時多。
主持續問累不累，伯伯就妙問妙答「累都無辦法，你頂得順咪抱吓我囉。」另外也有現場的老人家表示已經凍到麻痺，連人的思路都麻痺，直言唔夠暖都要頂住，「躺在醫院門口的更加不夠暖」。
留言 0