Apinara推出的曼谷唐人街盛宴，已是第二次同朋友來食，主要是本身鍾意食泰國菜，又有8 款地道的菜式，加上可以响私人房內享用，私隠度高，六位朋友齊齊食，就最滋味喇。
前菜是泰式牡丹蝦刺身，入口已感受到鮮甜滋味，將牡丹蝦頭便有濃郁的蝦膏，將之酥炸成立體感，頂層魚子醬即時升格十倍，好矜貴又好滋味。 再來個北海道刺身級帶子，入口鮮香嫩滑，清新又開胃。香脆紅咖喱魷魚球以新鮮墨魚肉和魷魚肉打成，並以泰式紅咖喱及檸檬葉來醃製，更加入冬蔭醬提升味道層次，入口彈牙又多汁，的魷魚球份外酸辣開胃。 泰式冬蔭功及中式酸辣湯各具特色，誘發大廚將兩者結合，併發出不一樣的火花。招牌冬蔭功加入酸辣湯的元素，內裏是腿絲、木耳、冬菇絲、鴨紅、豆瓣醬等多款中式食材，入口時蟹肉鮮甜已不在話下，湯頭又有泰式的香芧及香料時，又夾雜了酸辣湯的酸辣口感，絕對是刺激味蕾的代表作。啖啖肉又有豐富骨膠原的泰式豬手原隻滷水豬手，滷得非常入味，只需輕輕一拉立即即骨肉分離。豬皮彈牙可口，豬肉入口即融且相當嫩滑，還特別加入冬筍及鹹酸菜增添香味及減少油膩感，好好味。以泰式煮法烹煮的泰式蟹肉奄列，煎至金黃色的奄列，外層酥脆且帶有啖啖蛋香味，還配上炸乾蔥及炸蒜同吃，吃時再蘸點泰式拉差醬，立即將味道再一次提升。佛跳牆 大廚特別加入北海道海參、活鮑 魚、花膠、瑤柱等含的高級食材，入口那湯底更是不得了，原來是以海魚、豬骨、老黃雞腳、甘筍、 粟米等熬製約 3 小時，更特意加入香茅、南薑及白胡椒等，難怪湯頭真是令人一試傾心。不能錯過的還有鮑汁拌麵，每一條泰北金麵，都掛上了香濃鮑魚汁，真是連碟都想吞埋落肚。最後再來個足料椰皇燕窩焦糖燉蛋，香甜滑溜的燉蛋在燕窩的加持下，立即變得滋潤又矜貴。Apinara Thai Cuisine and Bar
地址： 香港金鐘道 88 號太古廣場 2 樓 205 號舖
網站： http://www.narahk.com/apinara-c
Facebook/Instagram： apinarahk
Apinara Thai Cuisine and Bar 曼谷唐人街盛宴
泰式牡丹蝦刺身
香脆紅咖喱魷魚球
泰式冬陰酸辣湯
泰式滷水原隻豬手煲
泰式蟹肉奄列
南薑香茅魚湯佛跳牆 鮑汁拌麵
椰皇燕窩焦糖燉蛋
每位 HK$688 (6 位起)
需提早預訂要俾加一服務費
星期一至五只有晚市供應
星期六、日及公眾假期-全日供應
留言 0