台灣宅男女神「雞排妹」鄭家純最近為自己入行10年，推出露點紀念寫真益街坊，已經密鑼緊鼓做宣傳，可惜佢今次出寫真就一再延期，佢仲話自己呢段時間為咗睇印刷效果「操碎了心」，換足3間印刷廠先順利開印，更感嘆「前期看印看到哭得比失戀還慘」、「血與淚交織而成」，終於喺尋日（27日）完成寫真書印製。
寫真完成日比預計遲成個禮拜，搞到月底出唔切貨，實在係不得已，加上其他不可控因素，出貨日只好再延後，不過佢道歉嘅方式就真係夠晒有「常識」喇，皆因佢出Post時附上半裸照，誠心向支持者們道歉：「是我做得不夠好，讓大家多等一個月，對不起你們，非常抱歉。」難怪大家睇完相都話可以繼續等，仲叫女神唔好心急，整好晒先出貨都未遲呀。
東網網站 : https://on.cc/東網Facebook專頁 : https://www.facebook.com/onccnews/
