ANSONBEAN（陳毅燊）和張天穎（Jaime）自公開戀情後，不時甜蜜放閃，今日（11月25日）兩人以情侶檔身份出席商場活動。兩人迎來拍拖後的首個聖誕，亦是首度以情侶身份為商場活動拍攝宣傳短片。
曾在外國讀書的Jaime表示，一向喜歡充滿節日氣氛的聖誕節：「細細個開始就已經好鍾意聖誕節！呢個節日一直都帶到俾我好浪漫好甜蜜嘅感覺，周圍都會充滿住好靚嘅聖誕裝飾，特別係聖誕樹。」二人指十分高興能獲邀參與活動：「呢段時間大家都忙，所以好開心今次商場邀請一齊出席活動，都叫做一齊提早迎接聖誕節！」。
Jaime透露，今年聖誕節已為自己安排了「重要任務」：「就係斷捨離！每近年尾就好想留喺屋企，最好嘅活動就係執屋！同埋都想多啲時間陪屋企人、見吓外國返嚟嘅朋友。」ANSONBEAN就指自己未有特別計劃，但就會趁放假與Jaime睇戲過二人世界。
ANSONBEAN透露來年的工作計劃：「除咗固定嘅音樂工作，同時間嚟緊下年年頭會有部喜劇（集）播出街，同埋之前拍嘅動作戲都會即將喺下年上映，所以過咗2024年都會有好多刺激嘢發生，大家可以期待吓！」至於身為人氣唱作女團Beanies一份子的Jaime，除了團隊工作，亦積極活躍於個人發展，最近推出全新音樂作品《唯獨我是不可取替》：「由搵靈感、創作到推出已經用咗好長時間，嚟緊都會同朋友合作出一首聖誕歌，希望大家鍾意。」
留言 0