巴黎名媛舞會（Le Bal des Débutantes）每年匯集20位左右的年輕女孩和她們的男舞伴，由16歲到22歲不等的女孩和男孩們，來自十多個國家和地方。 今年盛會11月30日於巴黎舉行。今年，任達華與琦琦愛女、現年19歲的任晴佳（Ella）獲邀將出席此盛會。
早前Ella親身到巴黎預先為舞會試裝，穿上Giambattista Valli 高級訂造服，每件都是鮮艷亮麗。琦琦一直陪在身邊，琦琦笑言：「我完全冇畀意見，一切由個女自己決定，佢鍾意啲鮮色禮服，因為無論係佢自己還是睇到嘅人，都會覺得特別開心，Ella希望個個人都生活得開心。」
原來6年前Ella已被邀請到巴黎名媛舞會，不過當時年紀還小，希望專心讀書，至今年終被他們的誠意打動出席。琦琦說：「可能大家見佢咁高，以為佢已經好大個，但其實當時只得14、5歲，要專心讀書考大學，所以未有參加。今年我哋同Ella都覺得可以見識吓、開吓眼界，可以學到好多嘢。世界各地嘅人都有被選出席，可以學到唔到地方嘅文化，同時都學到禮儀，小朋友應該係咁樣，要向住學習嘅態度去嘗試每一件事。」
現年只得19歲的Ella遺傳父母的優良基因，擁有甜美的臉蛋與逆天身材、178cm身高與42吋長腿。Ella更是一名學霸，正在海外修讀大學二年級。