拜仁名宿夏文大讚奧利斯：奧利斯係拜仁四位翼鋒入面最出色嘅一位

拜仁主場3:2險勝聖保利德甲比賽，今場踢正選嘅翼鋒奧利斯先係上半場助攻比前鋒哈利簡尼入波，之後再係下半場助攻翼鋒利萊辛尼入波，幫助拜仁再度領先。奧利斯今季為拜仁係德甲27次上陣參與17個入波，當中有8個入波同9次助攻，超越上季係英超有10個入波同6次助攻嘅參與入波數字😉

呢位法國🇫🇷翼鋒最近接受訪問就話「我職業生涯入面仲未贏過任何獎盃，同拜仁贏到冠軍同埋法國拎到出年世界盃冠軍絕對係我嘅夢想。足球世界充滿不確定性因素，但係嚟緊五至十年，我希望贏到一啲榮譽😎。」

拜仁名宿夏文最近係節目大讚奧利斯，呢位德國🇩🇪名宿就話「奧利斯只係加盟拜仁第一年就展示自己實力，呢種情況對於外籍球員比較少見，奧利斯創造大量入波機會，而且自己都可以入波。奧利斯絕對係拜仁四位翼鋒最出色嘅一位，基拿比幾乎無咩表現，高文成日都受傷，而辛尼啱啱先至恢復狀態🙃。」