陳山聰驚喜現身　梁競徽Fan Meet大談改名救父

藝人梁競徽（唯唯）與林盛斌（Bob）私交甚篤，早前更合股於馬來西亞開設火鍋店。近日兩人「合體」專程飛往當地舉行粉絲見面會，吸引大批觀眾到場之餘，正身在馬國公幹的陳山聰亦驚喜現身，場面相當熱鬧。

談到於馬來西亞創業當老闆，唯唯坦言：「喺呢度做生意，有時間畀你慢慢調整，香港就太急嘞，租金同人工都貴。」談到當初由梁烈唯改名為梁競徽，他表示：「當年爸爸身體出現狀況，科學知識冇辦法解決，就惟有轉向玄學，依指示改名囉。如果可以幫到屋企人，我唔介意放棄原本個名，因為家人同事業比較嘅話，事業一定排喺後面，甚至根本不值一提﹗」

至於Bob則自爆剛過去的金像奬盛會舉行期間，與囡囡們留守家人欣賞，結果他被狂踩，卻激發起鬥心：「佢哋問我點解冇得去現場，大問我係咪有人搵我拍戲，不過就畀咗正能量我，相信總有一日會威畀佢哋睇嘅。」唯唯同樣自嘲說：「其實我都拍咗幾部電影，不過未上映啫。」他們又於現場大放笑彈，且與粉絲合照擁抱。

東網網站 : https://on.cc/東網Facebook專頁 : https://www.facebook.com/onccnews/