5個適合獨遊嘅歐洲城市／國家 靚景又安全！

好多香港人成日都講：「我想出走啊！」同Friend去旅行，又要夾時間、又要夾行程，分分鐘攰過留番喺香港。既然係咁，不如試下獨遊？

小編依家就推介5個可以挑戰自己又適合獨遊嘅歐洲地方。要選擇獨遊地方，首先要考慮安全！

1.芬蘭
芬蘭喺2017年嘅世界經濟論壇《旅遊競爭力報告》上，被選為全球最安全嘅國家。呢份報告以治安、安全同國家對遊客嘅保障程度嚟向全球136個國家評分。仲有，佢係2018年全球最幸福同快樂嘅國家！分分鐘提升埋自己嘅快樂指數添～而且有曾經到過芬蘭獨遊嘅網友都大讚芬蘭夠安全。

2.冰島
2018年嘅全球和平指數指，冰島係全世界最和平嘅地方，無論犯罪率、恐怖攻擊數量、囚犯數量、殺人案件數量等都係最低嘅。獨遊都唔洗驚！

3.挪威
挪威犯罪率出名低，加上挪威人友善、鍾意和平，即使獨遊挪威都唔洗擔心啦！加上，佢哋嘅快樂+幸福指數係全球第二高。帶住憂鬱去挪威，帶住快樂番香港！

4.澳洲
澳洲擁有穩定嘅政治體系、保養得宜嘅道路、極低犯罪率同高水準嘅醫療保健架構係一個安全同適合探索嘅國家。

5.愛爾蘭
愛爾蘭喺2018年嘅全球和平指數係全球頭十位，愛爾蘭人又熱情好客，鍾意獨遊旅人傾計。透過跟唔同國家嘅人傾計，可以知道唔同地方嘅風土人情，有助融入當地生活。

PS：雖然呢啲地方基本上好安全，但自己獨遊嘅時候都要小心，留意身邊發生嘅事、財不可露眼！發生任何意外，千奇唔好騰晒雞，主動搵當地大使館幫手啦！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

歡迎關注我們的 Facebook 與 Instagram