入行20周年！容祖兒新歌《一種永遠》MV玩穿越

今年是容祖兒入行20周年，年中亦會開演唱會。Joey推出全新廣東歌〈一種永遠〉，迎接演唱會之餘，呈現出當下的心態。永遠有幾遠？一齊聽下！ 

〈一種永遠〉official mv youtube link：

https://www.youtube.com/watch?v=ZiCStRNKunA

歌詞方面，Joey回想起二十年來堅持夢想的歷程，唱這首歌的時候特別有一種激情，以及希望自己可以飛得更遠、更高的感覺。

〈一種永遠〉MV於台灣拍攝，邀得曾奪得台灣金曲獎「最佳音樂錄影帶獎」的比爾賈操刀，對方希望Joey有個「超現實」的演繹，有種穿越的感覺。MV一開始就有個小妹妹，灌溉著音樂的種子，將很多心機、心血放在泥土入面；Joey則演繹一個未來人，回到過去，與小妹妹交流。

拍攝當日，Joey穿着一件重量級珠片衫，全身搽滿閃粉，她笑說自己好似一隻穿著鞋的狗仔，成身黐立立又很硬！辛苦背後，Joey拍完第一個shot後就已經非常感動，所有回憶「番晒嚟」！

Joey說：「導演安排咗一個好大嘅圓台，其實個圓台係一個LED mon，佢將我咁多年嚟嘅一啲經典MV放咗入去，因為我呢隻歌係希望帶出一種回顧、亦都係對一種未來的展望的一種心情，所以拍攝嘅時候佢播一啲舊嘅片段，當我見到呢啲片段時，腦裏面諗起好多好懷念嘅畫面，好感動。」

撰文：二弟