太重手險禿頭　陳偉霆煩惱纏身親手剷青

無論你幾靚仔都好，冇咗把頭髮實力必定會削弱唔少，所以好多藝人都唔會搵自己個頭嚟玩。呢日陳偉霆拍咗條片自爆有好多煩惱，跟手就攞個電動剪髮器出嚟幫自己剷青，仲差啲搞到變禿頭！

條片一開頭陳偉霆身在浴室，着住浴袍嘅佢Chok晒咁望住鏡頭話：「我糾結了很久，知道大家非常喜歡我長頭髮，但每一次我都是這樣，留了長頭髮就覺得自己想剪短頭髮，剪了短頭髮我就非常舒服。最近煩惱特別多，要剪掉我的煩惱絲。」一講完佢就攞起把電動剪髮器從右邊開始，狠狠由前額位置一嘢推到去後腦，純熟嘅手勢幾吓就將頭髮剷走，不過始終都唔係專業，頭頂位置好似太重手，隱若見到頭皮，佢都忍唔住講笑話「禿了！」

明知粉絲一定唔認同呢個做法，陳偉霆都要玩剷青真係夠晒膽識，最後佢話：「別罵我！我覺得我無論怎麼樣你們也會喜歡的，是不是？」雖然有唔少粉絲接受唔到偶像呢個舉動，不過大部分都支持仲讚佢咁做好有型。

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。

東網網站 : https://on.cc/

東網Facebook專頁 : https://www.facebook.com/onccnews/