廣告（請繼續閱讀本文）
廣告（請繼續閱讀本文）
廣告（請繼續閱讀本文）
廣告（請繼續閱讀本文）
廣告（請繼續閱讀本文）
劉俊謙在《九龍城寨之圍城》中演龍捲風（古天樂）的接班人信一，型英帥的他成為「全民老公」迷倒女觀眾爭住做「劉太」。最近劉俊謙再以「社團人物」拍廣告，今次是搞笑的日本小混混，他要為「大佬」黃德斌買消夜遇店舖關門，最後要搵林狗（林海峰）一齊叫外賣。
廣告是朱祖兒執導，劉俊謙的假髮與衫也是專程由日本運到香港，他對自己的造型好滿意，笑說：「希望呢個造型可以吸引到北野武留意到，搵我去日本拍黑幫電影啦！」拍廣告再跟黃德斌合作，阿謙說：「同德斌大哥拍《九龍城寨之圍城》嘅時候已經friend咗，今次有種敘舊嘅感覺。佢係我非常欣賞嘅前輩，人又nice 又有型，好關心我哋班後輩。真係演咩都入型入格，今次演兄弟，導演啲對白都設定得好攪笑，我哋拍拍下都忍唔住笑場，就算NG都好歡樂。」
阿謙首次跟林海峰（Jan）合作，他說：「Jan好nice，私底下好好傾，好幽默，現場氣氛好輕鬆，拍廣告我經驗唔多，今次仲要同一個咁有經驗嘅前輩一齊拍，現場睇佢表演都好享受，尤其是佢講對白嘅時候，把聲好鬼有磁性，字正腔圓，仲要即時可以俾幾個version出嚟！勁！」
（即時娛樂）