大家都係煙肉？

最近學整西餐，食譜入面出現「Pancetta」，網上中譯作「培根」，培根係台灣稱呼，係Bacon嘅直譯，即大家平時常吃嘅煙肉，即係點先？Pancetta即係同Bacon一樣？自問為食兼好奇，於是翻查多啲資料搵答案。

原來，普遍會稱Bacon做煙肉，Pancetta則為意式煙肉，兩者同樣以豬腩肉製作，但只有Bacon嘅豬腩肉醃製後會經過煙熏，而意式煙肉Pancetta則只係用鹽及多種香料捲成圓形醃製而成。當大家聽到Bacon經過煙熏就以為啲肉係熟嘅？咁就錯嘞！因為Bacon多數係以冷熏而成，所以肉係同Pancetta一樣係生架。

至於質感與味道方面，Bacon入饌時會切得較為薄身，烹調後會較脆且淡味一點；相反，Pancetta則會切得較厚身或切粒入饌，雖然質感較柔軟但口感卻相對豐富得多，而味道亦濃厚鹹鮮一點！