技能解鎖︱鄧紫棋爆整「蓮花舌」秘訣　原來係靠…

歌手鄧紫棋（G.E.M.）出名「口技」了得，佢出道嗰陣經常表演「金魚嘴」，成為咗佢嘅標誌，而佢捲脷亦捲到出神入化，佢嘅絕技「蓮花舌」更加令人嘆為觀止！佢早前開Live同嘅3個內地男藝人隔空傾偈，講到佢嘅捲脷「神功」，佢仲即場大爆練「蓮花舌」嘅秘訣，佢話只要識捲脷嘅人就可以做得到，不過首先係要用念力，想像自己條脷喺中間凹入去，就似被人用拳塞入個口咁樣囉，睇到佢好輕易就做得到，仲嗌大家得閒就練習添！

有網民就話可能因為自己條脷太短同埋唔夠寬，所以做極都做唔到，有網民就話做到條脷都抽筋，真係搞到「黐脷筋」，相當搞笑！而有網民就成功解鎖技能，話跟住G.E.M.個方法做真係得喎，唔知你又成唔成功做到呢？

東網網站 : https://on.cc/東網Facebook專頁 : https://www.facebook.com/onccnews/