麥美恩疑被PA寸冇禮貌冇人緣　爆Seed：你開全名啦！

無綫藝人麥美恩最近相當「惹火」，早前歌手方皓玟因過瘦令網民懷疑她有厭食症，更誤會麥美恩發文影射她，事後方皓玟主動言想認識她，但遭麥美恩以怕醜及被嚇親拒絕，不過方皓玟並不收手，事後於社交網再發文暗寸麥美恩，指要求做朋友只是出於禮貌，叫她不要太認真，事後麥美恩都沒有就此事回應，免得愈講愈煩。

前日，有網民以不開名出PO，內容自稱自己以前於無綫做過助理編導(PA)，指TVB姓麥好嘈嗰位女士，本身都冇乜禮貌，行內人好多都唔鍾意佢，但係佢就覺得自己好似鬱鬱不得志，又唔知自己寸嘴兼大聲，想當年連佢個好拍檔周XX，都話佢塊面大過pizza，不過唔知點解依家啲人成日話鍾意佢真性情，講出嚟真係笑大人個口。

貼文一出，麥美恩居然自我對號入場，更留言：「吖啊！你開全名啦！」嚇到那位網民即刻刪除了貼文，不過當中雖然亦有人表示不喜歡麥美恩，但亦有人留言力撐她，指她做主持專業，見過佢真係好Nice，好有禮貌，麥美恩都有留言多謝。

東網網站 : https://on.cc/東網Facebook專頁 : https://www.facebook.com/onccnews/