曾面試《造星IV》未入圍利君牙宣布婚訊嫁阿Bu做人妻

利君牙與毛記創辦人之一的阿Bu拍拖5年，終決定拉埋天窗。（利君牙Instagram圖片 / 明報製圖）

毛記電視旗下藝人陳柏寧（利君牙）與毛記創辦人之一的阿Bu（姚家豪）相戀5年，利君牙昨天在社交網宣布結婚︰「我結婚喇～拍拖嗰時無親自同大家講，依家補番啦~ 用咗好耐思考到底結婚係為咗咩，好多人都會話都係差張紙啫，但其實又係咪真係差張紙呢？最後我嘅結論係同平時做嘢一樣，諗幾多係無用，做咗再算。」

她又趁機向阿Bu表白︰「多謝你，成日用行動嚟話我知你有幾錫我，例如係記住晒我講過嘅無聊嘢，例如係打緊機都會照聽我電話（最多hea覆），例如係會好俾面咁食晒我啲垃圾創意料理。不過其實唔使做咁多，間唔時用口講我都ok㗎～」