女神配對計劃｜梁敏巧遭63歲霸氣Andy哥嚇窒 揭榮嘉爾出局真相

無綫戀愛綜藝真人騷《女神配對計劃》將於後晚（29日）播出第4集，關嘉敏（Carman）及梁敏巧（Maggie） 分別與組員進行「三角枱約會」。上集尾的預告精華「劇透」海選時被淘汰的身家過億、年薪超過200萬的余國華（Andy哥）「復活」，取替來自烏茲別克的小鮮肉榮嘉爾（Jay），事件在網絡引發熱討。製作組將在今集揭曉榮嘉爾出局真相，原來榮嘉爾因為簽證問題未能前往香港，令Maggie被迫放手，改選擇曾在海選時約定會再見面的Andy哥。

Andy哥在三角枱約會上表現進擊，與Maggie對話時「霸氣哥」上身，瘋狂追問Maggie在海選中為何撳完燈又熄番燈。Maggie坦白回應：「因為開頭我覺得你都係好Man嘅人，但我哋年紀都有啲差距… 所以好驚我哋溝通唔到。」Andy哥再追問Maggie最後為何突然想通，Maggie拋出「八字真言」回應。之後Andy哥反客為主「命令」Maggie︰「你做開《東張》成日訪問人，我畀你訪問我一個問題，我一定講真話。」Maggie被嚇得叫Andy哥「輕鬆啲」，然後戰戰兢兢問對方與年紀相差很遠的女友會否有溝通問題。Andy哥的答案令全場寂靜，主持林盛斌（Bob）立即救場，拯救無言的Maggie。花生團的江美儀斷言：「死啦，我覺得似阿爸同女傾計」。

今集回合遊戲分別是「口味」、「生活」及「男友力」，除了第一回合，另外兩個回合均為動作題，「生活」的考驗題目為揼釘、「男友力」則是要公主抱梁敏巧兼鬥做深蹲。為了展示Man爆一面及一定贏心態，Andy哥進行揼釘考驗時不但不戴手套，更一埋位已拉高衫袖大力一擊，卻因用力過猛已把釘飛走，令全場爆笑。Andy哥之後獲重賽機會，卻又因用力過度令鐵釘變形。

年薪超過100萬的「暖男律師」劉啟進（Matt）出場時先憑一份小禮物贏得Maggie歡心，之後又在「男友力」回合跑出。他剛抱住Maggie做完第一下深蹲後，現場即傳出爆呔聲，令全場爆笑。雖然如此，Matt仍咬緊牙關繼續做。由於當日雙腳狀態不佳，Matt去到第12、13次深蹲時已面露痛苦表情，但仍咬緊牙繼續抱緊Maggie深蹲。Maggie驚嘆：「好弗呀佢，落得好落呀！」

（即時娛樂）