謝霆鋒同王菲旅行叉足電　貼地親民距離只有3cm

型男謝霆鋒喺剛過去嘅「520」孖天后女友王菲同遊日本，謝霆鋒仲幫女友孭背囊，Sweet到爆。一轉眼就已經密遊返嚟開工嘅謝霆鋒，日前於內地長沙一間食肆用餐時被食客野生捕獲，網民晒出近距離同男神合照，激動寫道：「啊啊啊！長沙吃飯遇到謝霆鋒啦，跟霆鋒的距離只有3cm ！太幸運了吧！」該網民更公開與男神同款菜式，大爆霆鋒食得好辣。

合照中，見謝霆鋒打扮低調貼地，頭戴Cap帽、身穿灰色衫褲，墨鏡掛心口，素顏上陣仍容光煥發，難掩星味，睇嚟同王菲旅行確係叉足電。食客瘋狂上前集郵，謝霆鋒來者不拒，最後佢怕造成混亂，用膳後先戴回口罩由後門離開。

東網網站 : https://on.cc/東網Facebook專頁 : https://www.facebook.com/onccnews/