藝人李佳芯(Ali)、羅霖、陸詩韻、模特兒陳君宜和江希文等,今日(20日)出席美容中心旗鑑店開幕活動,身穿露肩貼身裙的Ali雖已一段時間無再接拍新劇,但在無綫的年報中穩居首頁,且位置比姚子羚、張曦雯、高海寧還要高,她強調在無綫有工開:「我同公司仲有合約,拍緊講健康嘅節目,只係未出街,遲啲仲會拍旅遊節目。(咁拍劇呢?)有聽聞過有劇開,本來3,4月,依家好似6月,仲籌備緊,我可以隨時開工,不過公司咁多人,都有變數。」她又說趁未開工拍劇的日子,可以休息好好調理身體。
問到有傳她和前度陳炳銓翻撻?她說:「點會呀?我都唔知呢個傳聞,感情隨緣啦!(有冇機會復合?我哋一向都有Keep住聯絡嘅,都感恩可以做到朋友。(前度可有新女友?)冇問喎,最緊要大家開開心心,健健康康。」
東網網站 : https://on.cc/東網Facebook專頁 : https://www.facebook.com/onccnews/