觀塘新派西餐Fusion Tens 合十，一直處於我嘅Bookmark List上！除一貫嘅星空天幕用餐區、波希米亞風鞦韆用餐區，餐廳早前仲增設露營用餐區，可以比人喺一座座嘅米白色帳篷中用餐，加上植物花卉，猶如置身郊野！唔洗請假，唔洗繁瑣嘅預備，輕鬆體驗露營滋味！
此外，食物方面合十嘅餐牌都有別於一般文青咖啡店，唔會得意粉、蛋糕或咖啡，而係好多Fusion菜式。餓底可揀大份夾抵食嘅巨型豬扒跟薯菜；鍾情香口嘢可揀芝士肉醬田螺焗酥盒；想清清地班尼迪克蛋都係個好選擇…！
✦ 巨型豬扒跟薯菜 HK$188
餓底一定唔可以錯過呢款厚切豬扒！成份豬扒足足有一磅重，就算煎熟後都特厚三厘米！重點係製作過程中無添加梳打粉，而是加入梳打水、蔬菜水果及香草醃製 4 小時，無陣怪怪嘅梳打粉味！外層香脆，內層鮮嫩Juicy，好正！另外，擺盤備有多款配菜，包括煙肉蘆筍卷、意大利青瓜黃瓜，唔會一味得肉！
✦ 班尼迪克蛋 HK$98
將班尼迪克蛋配上薄片巴馬火腿及香滑牛油果，表面再淋上秘製荷蘭醬，食上口比傳統煙肉底輕盈一點，口感濃稠、滑順，帶有酸甜滋味。
✦ 芝士肉醬田螺焗酥盒 HK$68
呢款係合十主廚自家研發嘅特色菜，將田螺、肉醬及三重芝士放入酥盒，成件事口感豐富，田螺嘅鮮味加上芝士及肉醬嘅香濃，同埋酥盒嘅酥脆口感，雖有點邪惡，真心勁好味！偶然一次不過份！
✦ 香橙咖啡 HK$43
用橙汁配咖啡，摒棄用牛奶配咖啡嘅組合，對奶類敏感又想享受咖啡嘅人啱晒。合十用嘅咖啡豆帶有果仁香，配合微酸嘅香橙果汁，配上檸檬及迷迭香，集清新濃郁於一身，夏天飲啱晒！
✦ 綠帽子 HK$68
合十嘅Mocktail有5款選擇，呢款綠帽子用上哈密瓜蜜、檸檬汁、菠蘿汁、梳打水及哈密瓜雪糕，整杯飲品充滿甜酸果香味！飲品頂上添加咗雪糕，享有兩重冰凍口感。
\法國直送甜品/
✦ 朱古力三重奏 HK$88
呢款朱古力三重奏，據說係法國直送，朱古力脆脆餅底配上幼滑朱古力及焦糖慕絲，面層加上朱古力片及朱古力脆米，勁有層次感！朱古力控切勿錯過！
✦ 檸檬蛋白撻配雲呢拿雪糕 HK$88
同樣係法國直送、由取得米芝蓮嘅法國餅師製作嘅檸檬蛋白撻，香脆撻底配以清新檸檬忌廉和輕盈蛋白，面層綴以數片杏仁及一片檸檬乾，味道幾清新。
With: @mr.travelgenius
✾分類標籤
#daydayfoodie_cafe
👆ᴿᵉᵃᵈ ᴹᵒʳᵉ
★－:+:－:+:－:+:－:+:－★
🎡味道：4
🎠環境：4
🎪服務：4
🕌CP值：4
（*5為最高分）
★－:+:－:+:－:+:－:+:－★
◌ 合十
◌ 觀塘巧明街117號港貿中心2樓201號舖
★－:+:－:+:－:+:－:+:－★
🎀 記得like埋我，每日放送打卡好去處！📸
www.facebook.com/daydaycheckin
💗ᴿᵉᵃᵈ ᴹᵒʳᵉ
留言 0