MIRROR成員姜濤、Edan(呂爵安)、Jer(柳應廷)等昨日(12日)清晨出發飛到馬來西亞,準備於14日晚舉行的《ONE LOVE ASIA FESTIVAL 2023》音樂節,獲近百粉絲送機,同日中午到埗同樣場面墟冚,大批大馬鏡粉迫爆機場,只為提早見偶像一面。不少當地鏡絲將接機盛況上載至社交網站,MIRROR三子在人群簇擁下登上七人車,不過姜濤得知現場有位80歲的婆婆級「姜糖」,因為沒有門票前往睇騷,決定到機場接機,一向錫姜糖的他於是作出貼心舉動。
由粉絲上載的短片中見到,接機現場一度相當混亂,但姜濤獲告知姜糖婆婆的情況,親自落車與婆婆揮手打招呼,令婆婆即時冧爆大笑,姜濤轉身登上車後,又再次與她揮手道別,氹得婆婆笑不得,上載短片的姜糖留言大讚姜濤是位善良的天使,而姜濤亦有轉發該短片,表示希望大家可以多照顧多人家,擔心人多危險,亦提醒婆婆小心身體。