請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

《I SWIM》負評如潮 導演馮志強承諾檢討:逆境賽令我哋更加團結

ViuTV劇集《I SWIM》前晚播出大結局,負評如潮餘波未了,不少網民批評劇情後半部分大暴走,結局更是草草收場,尤其ANSONBEAN的出場只是為電影版鋪路,網民則建議不要拍電影版。《I SWIM》結局後播出,一眾演員在Facebook開直播,監製兼導演馮志強中途加入,不少網民反應激動而派嬲,馮志強未有正面回應網民質詢,最後深夜在IG寫長文表示會檢討,又指逆境賽令我哋更加團結,依然未答會否開拍電影版。

馮志強發長文表示會檢討,卻未回應還會否拍電影版。

馮志強深夜在IG寫長文發表感受,直指他知道反應兩極。「有啲瘋狂咁鍾意,又叫又笑又喊,有啲係另一種極端、刀片、惡語都有,有關心我嘅朋友勸我唔好出現Fb live, 怕好易有人派嬲,又或者容易被抽幾句出嚟放大討論,但我從來無諗過唔出現,一來我只係普通人唔會有咁嘅影響力,二來我好想陪住班演員完成埋I SWIM呢趟旅程嘅結尾,我亦相信及有信心香港觀眾都係理性討論。」

不少觀眾都大罵馮志強中二病上身。

他感謝觀眾選擇看《I SWIM》,直言是劇組的福氣。「可能電影真係比較習慣一氣呵成,無試過睇下又討論下,今次都係一個好好嘅體驗,多謝每一位收看嘅觀眾。」他表示收到各方不同的訊息,並且承認責任。「有部份批評嘅,我地會積極注意同檢討,另外亦都得到好多好耐無聯絡嘅朋友、一啲唔太熟、甚至唔認識嘅前輩佢地嘅鼓勵同支持,話佢哋好耐無試過日日坐定定喺屋企追劇。」

他轉移視線,表示很多同行詢問不少新演員的名字。

他未有正面回應網民多項質詢,例如為何加插大量與劇情無關的情節、無關痛癢的愛情戲,甚至還會否拍電影版等等,卻說很多同行、導演、監製問他有關演員的名字。「希望各位導演可以留意香港呢班新演員,仲有香港嘅幕後團隊,比更多嘅機會佢地。」

馮志強引用戲中黃亞樂的一句對白,直言逆境賽令他們更加團結。

他又表示:「世界好大, 疫情、戰爭、天災人禍,《I SWIM》能夠喺短短兩星期得到大家嘅關注同討論,有一個渠道比大家享受、打氣或宣洩,都係我哋嘅一種福氣。由一開始,我知道呢場會係一場逆境賽。時間、資源、疫情,樣樣都係挑戰。但我好多謝各位演員及幕後嘅信任,好榮幸可以同各位一齊完成呢個目標。借用戲中黃亞樂的一句對白,逆境賽,令我哋更加團結。謝謝。」

View this post on Instagram

A post shared by Fung Chih Chiang (@fungchihchiang)