久不久都會去「翠玉軒」食晚飯，主要是地點靚，返屋企好方便，而且環境及座位都好舒服，所以唔諗咁多一行6位朋友，又去食好野，咁啱佢地有全新餐單，當然試新野喇！
胡麻醬鮮淮山 鮮淮山有益又好味，加埋胡麻醬超夾，鮮淮山入口好爽，個人好愛。柚子漬車厘茄 同樣是我的至愛，車厘茄本身已很甜，入口有柚子香，開胃又解膩。蔥油菠蘿海蜇球 海蜇皮及海蜇頭都知，但「海蜇球」是什麼呢？原來是廚師用心雕出來，將海蜇球化身成菠蘿的模樣，口感爽脆拌以蔥油同吃，好滋味呀！集清心潤肺、除痰化濕、健脾益腎於一身，材料有無花果、海底椰、雪耳、黃耳……等，湯頭清甜順喉。清心潤肺素湯以這個佛盅來盛載，保熱百分百，入口真是熱辣辣。椰青清湯牛坑腩，入口油脂豐盈、牛味濃郁，應該是新鮮的本地新鮮牛坑腩，並以椰青熬製湯底，肉質嫩滑配上清甜湯汁，堪稱絕配，櫻花蝦香芋蒸黑豚肉餅 這道「蒸肉餅」絕對是家常飯的升級版，食得出是新鮮手剁黑豚肉，並加入櫻花蝦及芋頭粒同蒸，底部鋪滿芋頭片，芋頭吸引晒肉餅鮮味精華，又夠粉，好滋味，而肉餅在櫻花蝦的伴襯下，味道同樣升到更高層次，必試。魚湯竹笙煮星斑 平時食東星斑總是覺得清蒸至能食到東星斑的鮮味，但今次這道東星魚湯煮熟，配以爽滑竹笙，吸滿魚湯精華，越吃越鮮，最正是廚師細心到連骨都起埋，真是啖啖鮮味全送進口內，鮮味攞滿分。招牌濃湯海皇泡脆米飯，臨上枱前侍應才倒入海鮮湯及脆米。脆米飯內裏有帶子、鮮蝦、魚肉……等，在海鮮濃湯內浸泡過的米飯，粒粒也是很鮮甜，加埋脆米的口感，好味指數爆晒燈。翠玉軒
地址：香港中環交易廣場平台4樓402號
電話：2525 1163
留言 0