懷舊風近年依舊盛行，最近葵芳就新開了一間懷舊冰室，裝潢相當有心思，食物方面有多款懷舊小食和飲品，例如蝦多士、雪糕紅豆冰等，亦有不少新派特色菜，如鰻魚飯、芝士保齡球等，可以一次食勻不同年代的特色美食。
餐廳裝潢用心，猶如令人走進時光隧道。其中一邊的牆上掛著婚宴布景板，重現舊時大酒樓華麗的裝修。
韓式炸雞芝士保齡球 $68
大大個圓形法包裝滿熱辣辣的芝士，還可以拉絲。韓式炸雞香脆惹味，亦可以蘸上芝士食，味道更加濃郁。芝士迷必食！
原條燒鰻魚飯 $98
鰻魚原條鋪在飯上，份量十足，肉質肥美且燒得香口，白飯配上飯素和鰻魚汁一齊食更滋味。只在晚市供應。
鐵板什扒餐 （午市$52）
鐵板餐一出，淋上黑椒汁，已經聞到陣陣香味。什扒有雞扒、豬扒、台灣腸、火腿和薯角等配菜，材料算豐富，男生食也夠飽。午市和晚市都有提供，唯午市餐沒有火腿。
除了各種特色飯類和鐵板餐，冰室還有多款懷舊小食和飲品。
流心西多士 $28
一切開，鹹蛋黃流心就湧出來，流心效果澎湃，實屬下午茶的邪惡之選。
原味冰鎮波波奶茶 $24
餐廳的招牌飲品，奶味濃茶味香。
還有一些特色懷舊飲品，例如飛仔華田 $24
飲品上的撲克牌很引人注目，其實是可食用的米紙餅乾。
懷舊雪糕紅豆冰 $28
老鳳冰室
地址：葵芳榮芳路9號恆景花園恆景商場地下G13號舖
時間：星期一至日 早上7點至晚上10點
電話：2881 1993
留言 0