台慶頒獎禮2021｜朱敏瀚憑《換命真相》首奪最佳男配角

無綫力捧小生朱敏瀚繼去年捧走「飛躍進步男藝員」獎後，今年火速升呢，憑《換命真相》首奪最佳男配角，並從前輩劉江及羅家英手中接過獎項。

朱敏瀚受訪時表示：「多謝公司，呢幾年轉變好大，我覺得張振朗係影響我好大嘅人，大家都係做正確事嘅人，向住做好演員目標，我真係冇預備台詞，漏咗多謝好多人，多謝祥哥（黎耀祥），佢教識我做好人，先做到好戲，仲要多謝家人。（多謝女友余思霆？）都多謝佢，我漏咗多謝佢，雖然分隔異地，但互相支持大家。（怎慶祝？）冇呀，因為冇諗過會攞獎。」

（即時娛樂）