陳貝兒內地Job接唔停手　返鄉下做嘢忙到冇得探親

藝人陳貝兒（Janis）早前主持無綫綜藝節目《無窮之路》，節目於內地掀起熱潮，雖然暫時只有一半集數上架，但單是普通話版本已錄得200多萬播放量，成績驕人。食住節目餘威，Janis最近獲內地媒體邀請到潮州拍攝特輯，身為潮汕人的她，當然不放過機會四圍覓食，並把美食照甫上社交網，估不到一碗簡單的潮州粥足令Janis感滿足，她留言指童年時到爺爺嫲嫲家，廚房定必有一大煲白粥，雪櫃內亦會有大小樽的鹹菜及欖菜，所以每次與家姐探望爺爺嫲嫲時，也會竄入廚房偷鹹菜食。Janis更指拍攝期間與鄉里們閒聊，但鄉里卻認為她不似潮州人，Janis即笑說：「其實我都有潮州人勤奮捱得嘅性格。」

而Janis接受東網訪問時，透露今次返家鄉行程滿滿，未有時間探親：「上一次已經係10幾年同屋企人嚟祭祖，今次再返嚟感覺好親切，食咗好多家鄉美食，同埋買咗好多手信，嚟緊會去北京再拍其他嘢，工作都不停安排中，希望完成後可以盡快返香港。」

東網網站 : https://on.cc/東網Facebook專頁 : https://www.facebook.com/onccnews/