大仔公開娶新抱　蔡少芬升呢做奶奶：我鍾意佢

藝人蔡少芬同張晉育有1仔2女，生活幸福美滿，正當大家都等睇佢哋仔女大個入行做星二代之際，蔡少芬原來已經做「奶奶」！事關佢老公張晉喺內地真人騷《披荊斬棘的哥哥》「收養」咗兩個仔仔，同內地男星高瀚宇及歌手白舉綱組上晒契，咁啱大仔尋日（8日）就宣布自己做老襯，同圈外女友結婚，自然得到張晉留言祝賀：「小白，幸福都寫在你們臉上，連這背影都能感受到，祝你們一直幸福下去！」

估唔到依家做咗「奶奶」嘅蔡少芬更加留言爆料，指阿仔一早就帶過老婆嚟見家長：「小白，恭喜有情人終成眷屬又家庭溫暖又溫馨，我好喜歡這個媳婦，溫柔大方，持家有道，入得廚房出得廳堂…（跟我一樣）！為你們感恩！」

東網網站 : https://on.cc/東網Facebook專頁 : https://www.facebook.com/onccnews/