感謝影迷投稿！周星馳「月光寶盒」程式功能疑曝光

「星爺」周星馳自去年10月開設咗社交網後，一舉一動都備受關注，而向來錫粉絲嘅周星馳，開咗社交網後亦不時喺同粉絲玩你問我答派福利外，就連開拍《少林女足》都喺社交網大方透露！而上月底，周星馳亦喺社交網開設咗一個叫做「月光寶盒」（Moonbox）嘅帳號，並分享咗2個疑似手機應用程式嘅封面相，邀請廣大網友投票比意見。

今日（5日）周星馳透過月光寶盒嘅帳號，發文感謝廣大網友：「感謝各位的熱情響應，小弟已經看了三天三夜，一眼都沒眨過。」並Hashtag道：「P.S.如果我是星爺的AI替身，大家幫我打幾分？」睇嚟呢個帳號唔止係周星馳經營咁簡單，仲有AI聊天功能啵！事實上，向來都行喺科技尖端嘅周星馳，早於去年就同NFT（非同質化代幣）開發公司、西班牙藝術家Joan Cornellà聯乘推出自己嘅電影NFT。

東網網站 : https://on.cc/東網Facebook專頁 : https://www.facebook.com/onccnews/