張鎬濂出道在即　男扮女裝曝光竟然唔似洪欣？

藝人張鎬濂因阿媽洪欣成為圈中吸睛星二代，身高1米88擁絕頂大長腿，本身已經算係出咗道嘅佢，依家正參加無綫偶像選秀節目《亞洲超星團》，大家都預佢星期六（9日）嘅總決賽可以再次成團出道。不過未出道先興奮，網上就流出佢去年為公司樂華娛樂拍攝短視頻短劇《男生寝室233》，孖《超星團》嘅戰友李權哲一同演出，仲要犧牲色相。

片中張鎬濂要男扮女裝，因為劇情講到眾人爭位女主角嚟拍片，張鎬濂嘅3位同學就迫佢換女裝，引到同學大爆笑。見張鎬濂着晒女裝校服，又瞓草地又晒腿，戴上及肩長髮嘅佢都有幾分似女仔，眉清目秀，不過驟眼睇竟然唔似媽咪洪欣，不過都算係繼承咗洪欣嘅顏值。

東網網站 : https://on.cc/東網Facebook專頁 : https://www.facebook.com/onccnews/