斷叉供應商：示範時較緊張、大力咗

【獨媒報導】首階段「走塑」法例周一起實施，由環保署設立的「綠色餐具平台」昨日邀請4間供應商示範替代餐具，期間鋸斷兩支竹叉，至第三次才能切開牛扒。生昌文具紙行負責人蘇慶光重申，其餐具質素沒問題，但指餐具屬於較舊版本，所以比較乾脆、水份較低，加上示範的時候「大力咗」：「嗰個榫位較脆，攞嚟示範嘅時間呢，可能亦都我個仔緊張啲，同埋揸嘅手勢揸高咗。」

環保署昨日邀請四間替代餐具供應商出席記者會，包括生昌文具紙行、師兄供應有限公司、寰科創新有限公司及悦空間酒店配套有限公司。蘇慶光昨日與兒子蘇善勁一起出席，後者使用替代餐具切牛扒的時候，鋸斷了兩支竹叉，該段片段成為城中熱話。

指餐具已存放四個月 榫位變得較脆弱

蘇慶光今早在商台節目表示，該版本的餐具已存放了4個月：「應該就揸返低啲，無咁緊張。」在昨日的記者會上，該套拼接餐具可拆除後再組裝，但榫位就會變得較脆弱，但就可以避免造成浪費。談到替代餐具的原料，蘇慶光稱是天然竹，餐具設計原意希望「一支竹完全用晒，唔會話點浪費」：「分咗兩截，一個係揸手，一個係頭，頭就摺合式，可以係慳料啲，同埋嗰價錢會比普通叉平少少。」

主持追問在餐具多次拆除、組裝後，令優點都變缺點，蘇慶光承認或會令餐具較易變鬆：「大力咗⋯⋯喺嗰個榫位度會容易斷，佢唔識得揸，手勢應該係揸返低啲就無乜問題。」

蘇慶光（右一）

稱市民需時適應 安慰兒子唔緊要、意外嚟

至於如何評價替代餐具，蘇慶光認為市民需時適應，但認為竹較實際，因為生長得較快、較少污染，亦較易提煉。他透露，在昨日記者會前曾「試一次」，當時沒有任何問題，刀叉均能正常運作。對於鋸斷竹叉，蘇慶光稱曾安慰兒子「唔緊要」：「呢個只係有啲事，意外嚟嘅。」

被問到如何令市民對替代餐具有信心，蘇慶光則重申環保餐具由纖維構造，不應和膠作比較，而且亦不斷改進中：「始終天然嘢同石油裡面提煉出嚟，大家都係有唔同。」

版權: 禁止衍生