MC張天賦新年又再食女！網民用MC屋企塊鏡尋真相！

MC張天賦自上次與Ash鍾卓穎及「FHProduction HK」的Santis傳出緋聞之後，今日又再被爆疑再搭上另一名有男朋友的女仔，而網民透過兩人對鏡自拍的相片中發現有問題，其能力簡直同偵探一樣咁勁啊！

MC張天賦新年又再食女！網民用MC屋企塊鏡尋真相！

MC張天賦早前在聖誕節就被爆出「聖誕很忙」，先搭上《全民造星IV》的參賽者Ash鍾卓穎，之後搞到Ash與老公龍龍離婚。然後又被影到與「FHProduction HK」的Santis去超市買嘢再被影，被懷疑再次搭上「疑似人妻」。

而今日又有連登網民大爆MC張天賦再次搭上另一名女仔，網民透過MC屋企塊鏡，發現該名女子同樣用過同一塊鏡自拍，可見兩人的關係都不太尋常。更加有網民爆該名女子是有男朋友的女仔，如果係咁即係MC又再做人第三者。

網民都直言：「想話道門咁啱一樣姐，點知門側邊都係一樣。」，更有網民發現MC在IG上的確有Follow該名女子，可見兩人的關係的確係「有啲嘢」。更有網民笑指：「裝修有瑕疵都係麻煩。」，不過都有網民指MC其實冇錯，是因為MC「又紅又有型，食女最多㗎啦。」

又有網民笑指MC繼「聖誕很忙」之後，就到「新年好忙」。不少該名女生的朋友都大爆料，有人就大爆該名女子同男朋友講唔得閒，但實情可能係搭上了MC張天賦。