前財政司司長曾俊華離開政府後無官一身輕，近年不時有新搞作，昨晚（15日）他驚喜現身ViuTV劇集《IT狗》，與MIRROR隊長楊樂文（Lokman）演對手戲，雖然客串戲份不到兩分鐘，已令一眾網民相當驚喜，他今日上載畫面截圖，大讚Lokman「演技好犀利」。
ViuTV劇集《IT狗》昨晚播出第5集，戴著口罩的曾俊華驚喜現身，客串飾演15年前曾頒獎予Lokman的創科界人士「華仔」，更向Lokman做出心心手勢。Lokman見到曾俊華向他做心心手勢，感到非常雀躍，他又要求曾俊華拍片表示心心手勢是他發明的。
好開心可以參與今次嘅電視劇演出。多謝 Bowtie 同 ViuTV 促成今次合作。多謝《IT狗》劇組、曾經同我合作過同一齊逛紐約波士頓嘅導演 Lawrence Kan 、 楊樂文 LokmanYeung 、 彭秀慧 Kearen Pang…
Posted by John Tsang 曾俊華 on Friday, January 14, 2022
今日，曾俊華在社交平台上載他有份演出的畫面截圖，以及拍攝當日與Lokman、彭秀慧等人的合照。他寫道︰「好開心可以參與今次嘅電視劇演出。多謝Bowtie同ViuTV促成今次合作。多謝《IT狗》劇組、曾經同我合作過同一齊逛紐約波士頓嘅導演Lawrence Kan、 楊樂文、彭秀慧、Martin同我一齊演出呢一幕。Lokman嘅演技好犀利，大家不妨留意一下。」
曾俊華又提到：「《IT狗》係ViuTV嘅原創喜劇，內容講述IT人為求出路決定自己創業，希望觀眾睇得開心之餘亦會更加留意社會上嘅創科發展，畢竟好嘅創意同科技可以為社會進步帶嚟關鍵性嘅影響。希望香港可以繼續孕育更多好嘅創意同科技，支持創科意念堅持，前行。」不少網民看到曾俊華的帖文後，紛紛留言表示：「超驚喜」、「完全估唔到」。
