張振朗日食5餐增肥40磅　 公開操肌地獄式餐單

由黎耀祥、譚俊彥、張振朗等主演的TVB台慶劇《拳王》將緊接《星空下的仁醫》於11月23日播出，男主角之一、34歲張振朗在開劇前一年多開始準備，為增肌先谷肥自己40磅，再進行地獄式訓練線出肌肉線條。

張振朗在社交平台貼出爆肌劇照，並感謝「鐵血教練」，不少藝人如袁偉豪、蔡思貝、張繼聰等都留言讚好。

張振朗第一步是谷肥自己：「當時一日食五餐，主要都係牛扒同大量嘅飯，因為要先谷肥，增加脂肪同埋肌肉，咁樣操番弗嘅時候啲肌肉先至會更加有份量。」當時張振朗成功增重多達40磅，他笑言：「增肥嗰陣咁啱有兩套劇出街，就係《使徒行者3》同《踩過界2》，當時好多人話我肥咗。」

增肥過後，張振朗於之後的半年開始地獄式操肌訓練，再配合超清淡健康餐單，令他一度懷疑人生。他說：「因為每一日食嘅（雞肉）量要好多，飲雞水可以補充到足夠嘅蛋白質，又唔使好似食擦子膠咁，個過程幾有挑戰性，辛苦但係對自己身體了解多咗。」