「租霸」放先人骨灰入迷你倉失蹤 時昌迷你倉點處理？

時昌迷你倉驚現「離奇」租霸，有租客拖租3個月，店方在清倉時竟發現倉內有兩個骨灰盅，內有骨灰。時昌迷你倉老闆時景恒近日在社交平台Threads發帖分享這宗事件時表示，當時公司職員「唔敢亂郁」，最後花了9個月時間尋人，但最終無人認領，「政府幫唔到」，時景恒透露最後出錢代為海葬。

時景恒在帖文中分享「做迷你倉咁耐，最誇張一次」經歷，就是在「清倉時發現兩個骨灰盅」，他指有客拖租3個月，店方清倉時發現倉內有兩個骨灰盅，內有骨灰：「理論上可以即刻清，但見到骨灰，我哋唔敢亂郁，反而花9個月時間聯絡政府、搵租客、登報等。」

出錢代為海葬 「用咗接近一萬蚊」

他們不收取這9個月的倉租，希望最終可以「有人嚟認領」該兩個骨灰盅。但是結果亦無人來認領，該租客亦沒有再回來，店方有聯絡政府但「政府幫唔到」，他們最後「唯有出錢幫佢哋海葬，連儀式都做齊，成件事用咗接近一萬蚊」。時景恒最後在帖文中說：「放啲先人入迷你倉仲要唔交租 #古怪隨時」。

網民憂引發糾訴訟

有網民留言回應指，店方將有關骨灰海葬「貌似又講唔通」：「人哋冇打算海葬點算？可以反咬你喔。」認為店方做法「極易引發嚴重糾紛甚至訴訟」。時景恒則留言回應說：「合同上只要冇交租，所有物件係destroy，佢簽咗名，即係同意咗。」部分網民力撐店方做儀式幫骨灰海葬的做法，與持相反意見網民「交火」：「咁你幫吓手，收留佢啦」、「咁點？放你屋企好唔好？」「人哋好心做多D，又畀你話做多咗。」

網民亦大讚店方做法是「大功德」：「當做功德，好人有好報」、「多謝你一切善意，祝你都遇到同樣的好人好事」、「良心商人」、「好心有好報，雖然真係唔應該擺呢種地方。」亦有網民估計兩個骨灰盅無人認領的原因，「可能放係度嗰位都過身，所以無處理到。」

有人提議「時昌幾時攪埋骨灰位」

有網民亦驚訝：「原來開迷你倉都咁多嘢煩」、「都幾驚嚇，啲客放咩真係好難控制，慶幸係骨灰，唔係白粉」、「你應該慶幸迷你倉無兇宅呢一回事。」，亦有人提議「轉型啟示，先人迷你倉」、「時昌幾時攪埋骨灰位」。

原文刊登於 AM730

睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)