颱風桃芝｜風假願望落空　網民湧天文台fb留言「玩X港人」掀罵戰

隨著風暴桃芝減弱，並逐漸遠離本港，天文台在上午10時20分改發3號風球，這意味著許多打工仔將要趕返工。消息一傳出，不少想放半日假的打工仔失望之餘，立刻湧到天文台的Facebook留言區表達不滿，批評天文台改發3號風球的時間。但亦有網民支持天文台的決定，在網上惹來罵戰。

▼網民留言掀罵戰▼

網民：冬季動物大遷徙正式開始

在天文台fb帖文可見，不少網民都狠批天文台的落波時間，有人說：「又要逼車返工」、「玩死人、逼車逼死人」、「而(依)家個風仲喺香港門口吖嘛，天文台專登玩X香港市民」、「夜晚掛，朝早落，例行公事」、「呢個8號掛得多舊魚」、「無能的天文台，製造混亂」、「冬季動物大遷徙正式開始」、「我太愛返工」。

有網民為天文台護航

然而，亦有網民為天文台護航，「辛苦晒天文台同事」、「支持天文台」、「我覺得天文台做得好好！啲人係又鬧，唔係又鬧！一早預告掛到10點，比平時瞓多2，3個鐘啦」、「其實掛又X唔掛又X，不如以後都8號，以後都唔使返工咁出糧好冇？」。

原文刊登於 AM730

睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)