王賢誌緋聞對象吳家樂爆料　早已欠街數父拒還︰破產新聞出得遲

豪門之後王賢誌（Vinci）驚爆被入稟追數約300萬及呈請破產，他昨晚在社交平台回應指，是經過深思熟慮才作出這艱難的決定：「如果人生的不同階段就有如天氣一樣，肯定我將要迎接一段嚴寒的日子，不過對於未來，我必定不會放棄，繼續積極及堅強面對！謝謝！」

王賢誌的祖父為王氏港建主席兼創辦人王華湘、父親為王忠桐。身為富三代，王賢誌呈請破產令不少人感到驚訝。但曾被王賢誌公開示愛的「50億駙馬」吳家樂則表示不感愕然。

王賢誌申請破產是艱難決定：我將要迎接一段嚴寒日子

吳家樂在YouTube節目《娛樂好好玩》中，與另一主持江美儀提到，王賢誌投資巨款製作男男配對真人騷TVB的《仔仔一堂》及ViuTV的《Boyscation Too》，懷疑因此欠下街數。吳家樂竟表示：「聽到呢單新聞係有啲可惜，但係呢單新聞出得叫遲。雖然我哋唔係好朋友，不過都識咗好耐，亦都係同事，大家都有啲ws群組。喺疫情之後都有啲聚會，聽到少少佢喺出便都有啲『街數』，我覺得唔奇，因為佢始終係靠自己。」

吳家樂：肯定唔係300萬、400萬

吳家樂續說：「幾年前佢爸爸好似已經唔再幫佢找數，所以我相信搞呢個騷（仔仔一堂）都幾吃力，係咪就係300萬、400萬呢個數呢？肯定唔係。話晒大家都係同行，都唔希望聽到呢單新聞，希望佢盡快過度呢個寒冬。」

吳家樂被王賢誌擺上枱真係嬲

對於王賢誌曾公開自爆初入行時暗戀過吳家樂，覺得他「都一定Feel到」，吳家樂則煞有介事地回應指兩人只是認識20多年的同事，相信當時王賢誌是為宣傳節目擺他上枱。他又透露當時訪問刊出前一日，王賢誌突然不斷WhatsApp自己，他已心知不妙，當報道出街後，即收到記者詢問，直言：「我真係嬲！」，又強調自己並沒有感覺王賢誌喜歡他。