網傳是小三 玄學小仙女稱無理會：想影響我mind power

（獨媒報導）近日在網上有傳聞，指參選九龍城南的90後玄學家「玄學小仙女」謝敏婷曾經整容及曾經是前亞視高層盛品儒的第三者。在今日投票日，謝敏婷向《獨媒》表示無特別理會網上言論：「無論點樣討論，關注度對於我嚟講都係一個支持嚟嘅。」

被問會否直接澄清，謝稱：「咪由佢囉，算喇，無所謂，總之我全力以赴做到最好，呢啲嘢想影響我mind power，我係唔會理佢。」

至於會否擔心花邊新聞影響選民的信心，謝指一個消息的好壞是自己的念力使然，「你覺得佢係好消息就好消息。無論支唔支持我，有關注我，我都係好開心」。

首次參選的謝敏婷向《獨媒》表示，沒有預計自己的得票率，今日亦沒有卜卦，全靠念力「博盡佢」。她又向記者介紹是日衣著是「水裝」：「黑色、藍色都係屬於水，水代表人緣、流動性、無固定形態，可以好高，亦都可以⋯⋯隨呢個風去走，係非常之旺我嘅」。

新選制下的九龍城南區今屆共四人參選。報稱獨立候選人的謝敏婷在政綱列明關注婦女及性小眾議題，獲選委界立法會議員江玉歡支持。同區的另外三名候選人後台強勁，包括經民聯李超宇、香港新方向馬志恆、民建聯吳寶強。