向偉大航道出發！至HIT嘅六大郵輪帶你穿洋過海
尋找屬於你嘅「十萬噸情緣」！
有咩旅行爽得過所有住宿交通都包曬，定時定候喺唔同嘅城市觀光下，玩完一日又有人接返你，每日只要負責望住大海景食、玩、瞓？約莫早幾年香港人如果想搭郵輪，基本上要買多程機票先飛去日本或者台灣上船，你連呢樣都唔使煩，依家好多頂級郵輪都可以係香港直接上船啦。一齊來睇吓你絕對唔可以錯過CP值超高嘅六大郵輪！
DV小教室：網路溫度計透過《KEYPO大數據關鍵引擎》，觀測、爬梳港澳地區近萬個網站、頻道，其中包括新聞頻道、各大討論區、FB、IG以及Blog，從中取得資料樣本數，並以AI語意程式作數據分析。「網路熱度」為主題項目相關的網路posts和comments ，數值愈大代表主題項目的討論度愈高。
6. 想試新野嘅你—挪威翡翠號
講到搭郵輪唔單止係退休人士嘅專利，挪威郵輪就正係主打年輕人市場嘅郵輪品牌。挪威翡翠號上應有盡有，尤其佢哋嘅酒吧同夜店，行喺裡面好容易會有種行咗入五星級酒店嘅錯覺。除此之外，挪威郵輪仲有首創嘅海上雙層賽車道，就算係郵輪上都可以做拓海啊！挪威郵輪主打歐洲航線同地中海航線，今年起先主攻亞洲地區嘅航程，鍾意試新野嘅你唔好錯過。
image source:
5. 愛好和風嘅你—鑽石公主號
平時見到嘅郵輪都行西式風格，而鑽石公主號則係少數主打日系風格嘅郵輪。除咗基本配備嘅極大露天泳池之外，鑽石公主號最出名嘅「Izumi」日式浴場，唔單止有個別嘅男湯、女湯，仲有戶外共享浴池。淨係想像吓望住個大海係到浸溫泉，都已經夠曬放鬆。想一網打盡日式旅行同郵輪體驗嘅你，鑽石公主號就啱曬你心水。
image source:
4. 追求科技感嘅你—海洋光譜號
同樣係皇家加勒比遊輪旗下嘅郵輪，海洋光譜號比航行者號仲要多咗幾分科技感。都未登船係遠處就見到嘅半球體，係光譜號主打嘅「Skypad南極球」，一個結合咗VR技術的海上高空彈跳，小朋友就話鍾意跳吓跳吓，戴著VR來體驗穿越地心嘅快感連大人都會上癮。除咗機動遊戲，光譜號仲有模擬跳傘嘅自由落體漂浮體驗，可以話海陸空娛樂全包。
image source:
3. 鍾意冒險嘅你—海洋航行者號
好多人覺得搭郵輪雖然係海上，但除咗露天泳池之外幾乎碰唔到水，而海洋航行者就正正填補咗呢個缺口，佢唔單止具備標誌性嘅船上衝浪，仲有最新升級嘅水上過山車，包你係風平浪靜嘅大海上都可以好似玩海盜船咁刺激。如果話探索夢號係海上嘅移動酒店，海洋航行者號就係海上移動嘅遊樂場，仲要係有高速滑水道嘅水上遊樂園。
image source:
2. 欣賞古典風嘅你—探索夢號
作為世界夢號嘅姊妹船，探索夢號行一個截然不同嘅古典風格。一上船就可以見到以古羅馬為主題嘅露天泳池，成艘郵輪嘅裝修都係歐式設計，如果你對郵輪嘅印象係鐵達尼號的話，探索夢號可以符合你嘅幻想。倘若今次旅行想奢華一啲，仲可以考慮升級入住佢哋嘅「The Palace皇宮」貴賓專屬區，有曬管家同埋私人泳池甲板，名副其實嘅「海上移動酒店」。
image source:
1. 內心有個小飛俠嘅你—世界夢號
一般郵輪都有嘅基本款設施我哋就唔多講啦，鍾意刺激嘅你一定要試吓世界夢號。世界夢號嘅娛樂活動非常多樣，除咗喺水上樂園先會見到嘅滑水道，其中非常吸引年輕人嘅一項，就係海上繩索！感覺就好似懸空行喺大海上，身手敏捷啲嘅可以直頭幻想自己係小飛俠添啊！而一到夜晚露天嘅泳池仲會變身泡泡派對，邊個話郵輪係老人家嘅玩意？
image source:五大郵輪必玩體驗！
平時做開背包客嘅你可能心諗：「吓？郵輪啱退休人士玩㗎咋！」喺郵輪每一分鐘都唔寂寞，有網友精闢點評『搭郵輪嘅體驗，就係快感會被高頻嘅娛樂而無限延長』，的確扣除交通啊等排隊啊嘅時間，係郵輪上行到邊玩到邊，24小時好似當48小時咁用。咁啱如果你規劃緊帶屋企長者出行的話，連娛樂節目都幫你安排好埋嘅郵輪更加係你不二之選！
5. 出咗公海做乜都得？
細細個睇賭神你一定有覺得「公海」真係神奇嘅地方！郵輪一大特色莫過於出咗公海之後，船上嘅賭場就會開始營業，無論係本身就帶著賭一手嘅目的上郵輪嘅人，定還是半夜瞓唔著嘅人都好，賭場都係其中一個消磨時間嘅好去處。當郵輪要埋岸嘅時候，賭場就要因應法律而暫時關閉，有啲客人甚至會抱怨停泊時間太長，忍唔住再入賭場大殺四方。
image source:youtube/seekmaple1
4. 放假唔做SPA點叫放假？
如果話呢個世界上有個神奇嘅地方可以令任何年紀嘅女人一秒變開心，除咗SPA之外我諗唔到第二個地方。搭郵輪本身就已經係追求舒適嘅旅程，係郵輪上面做SPA簡直就係錦上添花。唔單止係女人架，近年非常流行男人專屬嘅療程，甚至有情侶療程可以一齊體驗。如果係帶長輩上船，不妨幫佢哋預約定一個按摩療程，索性放鬆到底！
image source:Facebook/公主郵輪台灣
3. 「水上活動」就係你最佳嘅行程表
去一次郵輪旅行，大概有四分之三嘅時間都係架船上度過，再加上半部分為你所介紹唔同郵輪嘅主打特色，應該唔難發現其實郵輪所提供嘅活動，好多時候比分仲重過真係到目的地觀光。既然都已經出咗海點可以少得水上活動呢？依家郵輪上除咗有基本嘅泳池可以俾大家去玩之外，仲有海上玩飛索、激瀡滑水梯等等，夠晒刺激啊！鍾意玩水嘅你就一定唔可以錯過～
image source:Facebook/皇家加勒比海遊輪國際有限公司
2. 唔使去到賭城睇表演
郵輪畢竟要打造一個奢華嘅體驗，又點可以少得極其豐富嘅娛樂呢？就好似我哋去迪士尼都會排定時間去睇表演，郵輪更加會規劃每晚唔同嘅表演項目，確保你成段旅程都唔無聊。有好多人帶著一家大細上郵輪，就係因為郵輪嘅娛樂節目老少咸宜，基本款有歌舞劇、魔術表演等，皇家加勒比郵輪嘅招牌表演仲有埋水舞秀，直情係比照Vegas來娛樂大家。
image source:www.royalcaribbean.com
1. 對著海景食米芝蓮餐廳
大家都知係郵輪上嘅三餐係全部包曬，只要用餐時間埋位就會有人幫你上菜，有啲郵輪仲要無設限用餐時間，隨時隨地都可以點免費嘅餐點，滿足曬各位為食貓嘅心願！除咗免費供應嘅餐廳之外，郵輪產業上對於美食嘅競爭都非常認真，唔少郵輪都招攬大品牌到海上嘅餐廳，好似公主號就以開米芝蓮餐廳作為賣點，真係同五星級酒店無乜分別。
image source:Facebook/公主郵輪台灣
【以上圖文為香港網路溫度計調查結果，未經授權請勿轉載、改寫】
分析說明：
本研究資料由《KEYPO大數據關鍵引擎》提供，分析時間範圍為2018年12月07日至2019年12月06日。
網路大數據系統觀測港澳地區上萬個網站頻道，包括新聞頻道、Facebook、Instagram及各大討論區、BLOG等，針對討論『最受討論郵輪/郵輪必玩體驗』相關文本進行分析，並根據網友就該議題之討論，作為本分析依據。
本文分析之結果，非參考投票、民調、網路問卷等資料，名次僅代表網路討論熱度大小，不代表網友正負評價。