【偷食難分對錯】再談安心事件 裕美：錯了就要將人置諸死地嗎？

裕美於2016年跟結婚兩年的林恩浩（Jason）鬧離婚，當時傳婚外情，裕美被指偷食，跟黃子恆傳情慾短訊。裕美事後聲稱跟Jason已分開，又承認跟黃子恆開始了感情，後來她也回復單身。日前裕美出席活動，被問及熱門的「偷食」話題，她分享經歷，說：「情到濃時情緒控制你去做一啲嘢」。裕美的坦言又惹來非議，她在社交網吐苦水，又說被網絡欺凌。

裕美提到當年離婚未能清楚表達自己，現在她沒有經理人，可以自由地面對自己與輿論。

她說：「一段感情裡面出現嘅問題，外人其實唔會睇到，但其實好多人都經歷過。一段長感情想要維繫好，更是難上加難。 身邊嘅一啲朋友，其實都有複雜嘅感情世界。一齊咗15年、同居了6年、結了婚8年，甚至有埋孩子，才發現關係已降至冰點，兩人毫無感覺、關係，甚至其實唔再彼此關心，卻又因為多年嘅感情、共同生活、習慣，無法一時三刻分開。但其實分開嘅默契早已形成。咁呢個時候，其中一方喺生活中毫無溫暖、甚至被對方冷落、粗暴對待嘅情況下，在外面遇到新的人，自然會產生情愫 - 因為關係裡的對方，其實早已唔care。 外人看來，這自然就是出軌、不道德。但是如果你明白真實雙方的心理世界，你真的覺得那麼的有問題嗎？」

她稱當年自己的婚姻關係實際走到盡頭，兩人不合，各奔東西。分開手續需要過程，但離心已決。法律上或許是夫妻，但精神上呢？她又說：「從我的角度，面對有名無實的關係，我認為想馬上展開新的生活，無可厚非… …我不知道『安心事件』裡面兩段伴侶之間的關係，也不適宜評論。我只能說，如果他們關係是有名無實，好像我當年一樣，那麼所謂的『出軌』、『偷食』，就和該段婚姻、情侶關係一樣，有名無實。嚴格來說是正確，但是who cares? We know the truth. 其實係外國，有好多藝人都『偷食』但都不會影響佢地嘅事業無咗，點解要將私人個人嘅事要同工作拉埋一齊嚟講？但香港好多人覺得，喺香港做明星就要安份守己，做榜樣，做到聖人咁樣。有幾多有錢人或做高層搵好多錢嘅人，佢哋都有偷食，但因為佢哋唔係公眾人物所以無人講，無人知。 我唔係將偷食合理化，喺我嘅角度睇事情，係出於憐憫人嘅心理，唔係不斷講啱定錯，對錯，大家都明白，錯了就要將人置諸死地嗎？ 明知故犯，請問大家人生當中有無試過？」

（即時娛樂）