又不是3歲小朋友，點會分不清左同右？以為分辨左右是小兒科，那你知道左口魚和右口魚有甚麼分別嗎？這兩種魚同樣屬於鰈形目魚類，外形扁平且靠腹部貼近海底活動，至於點解一種叫左口魚，另一種叫右口魚，關鍵就在於牠們雙眼。
原來不論是左口魚或右口魚，特徵都是兩眼位於同一邊，如果在魚身左邊，視線亦望向左側，那當然是左口魚。右口魚除了眼睛長在右邊之外，體形也較細小，一般只得20多厘米，比左口魚幾乎細一半。
其實左口魚與右口魚不僅外貌有分別，產地、產量和肉質亦大有不同。左口魚較普遍，很多地方都見到牠們的蹤影，而右口魚則稀少得多，大部分都產自日本，因此亦值錢貴得多。雖然右口魚體形較小，不過肉質非常滑溜，原條蒸煮最原汁原味。左口魚就帶來另一種滋味，魚肉結實且蘊含豐富油分，清蒸或做刺身都能呈現其甘香鮮味。