有時想同閨密們放飲野傾計講下是非，又嫌一般酒吧有啲悶？香港有特色嘅酒吧真係唔少㗎，今日為各位SIS介紹三間偽裝技術超強嘅酒吧，真係行過路過都唔知係間吧嚟，原來飲酒都可以咁得意！
1.Foxglove
中環都爹利街6號印刷行2樓
在 Instagram 查看這則貼文
在 Instagram 查看這則貼文
如果係鐘意睇特務電影，會更加鐘意呢間酒吧！事關呢間酒吧外形十足十賣雨傘的舖頭，入到去都仲未見到酒吧㗎，要同店員講完，佢先會係接待處隔離拎起一枝雨傘，前面嘅隱藏式門先會打開，真係電影感十足啊！小編第一次去真係有少少驚哈哈哈。
在 Instagram 查看這則貼文
不過，驚喜仲未停，估唔到呢到除咗係酒吧之外，仲係中菜館，竟然有點心食！真係估您唔到啊！
2.Ping Pong 129 Gintonería
西環西營盤第二街129號南昌樓
如果覺得上一間酒吧太有格調，不妨試下呢間！入面燈光比較暗，最岩就係講秘密同心事。門口大大隻招牌寫住乒乓城，唔講以為係乒乓球室啊，門則仲寫住「專業教授乒乓球」等字眼，真係可以瞞天過海㗎。入到去仲有霓虹燈裝飾，好有香港味道。
3.Room 309
中環皇后大道中74號中環∙石板街酒店3樓309號舖
想去Staycation但又怕太陣仗，不如試下呢間酒吧！佢嘅特別之處就在於入酒吧之前要去check in！好似book咗酒店房咁，check in 完店員會俾一張房卡，你先入到去㗎！唔使下下都要畀幾千銀先有staycation的感覺，入到去仲有個位置俾大家禱告，好特別。
呢幾間好玩得來又不失格調的酒吧，一定要去試下！
留言 0