最近成功瘦身的「細細粒」陳嘉佳，擔任麥美恩（Mayanne）主持的清談節目《Mayanne小喇叭》嘉賓。今晚（4月4日）播出的一集主題是「直播帶貨搵真銀？」，邀來陳嘉佳（細細粒）、梁競徽及美容直播主Yoko Tsang擔任嘉賓，分享內地及香港直播帶貨趣事及辛酸事。
近年在內地做直播帶貨做到有聲有色的細細粒，坦言初出道做直播主時反應冷淡，連續三個月每場都只有60多名支持者。盛傳因做直播帶貨賺到盤滿缽滿的她，透露在直播場亦曾遇上不少損手事件：「一盤2,000萬嘅貨，可以最後係蝕錢嘅。最常見嘅例子係，『今日我畀你充值電話費，充100蚊只收你95蚊，嗰95蚊我要貼㗎，咁做呢一個action為乜？咪令到我個GMV（成交額）可以到數。我試過60幾蚊嘅朱古力，每盒只係賺2個幾，啲錢真係一毫子、一毫子賺番嚟！」但又坦言一晚最高峰做過800萬生意額。
談到做直播主辛酸事，細細粒坦言曾經歷過萬隻蚊在眼前「橫飛」盛況，又試過在陽澄湖見識幾千隻「珍寶蟲」飛來飛去。以吃播聞名的細細粒，直言為了跑生意額，平均每年喪食至少400隻大閘蟹，坦言食到有陰影。細細粒又透露，曾試過在一個極惡劣環境下做直播，結果嘔足8小時：「個棚裡面平均45度，我喺裡面嘔咗8個鐘！因為嗰度農村嚟，供電唔夠，係連風扇都唔吹得。」
細細粒試過直播期間遇到有人「頂爛市」，令原本已上千的生意額大跌四成。她又透露，試過因為一個無心之失要寫悔過書，笑爆全場：「我人生第一次寫悔過書，嗰次我直播時無啦啦冇咗，話我個account要被封28日，之後我哋全公司上下係咁打電話問點解。」經過接近一個鐘查探，發現原來直播時不小心展現了違規圖片，除了要寫悔過書，更經歷長達半年「洗底期」流量才回復正常。除了圖像，細細粒續指在內地「通便」、「排毒」及「美白」等全屬「禁忌詞語」。
