文凱玲偕老公及B女影賀年家庭照 開Ig記錄囡囡成長片段

曾演出劇集《一舞傾城》及《狀王之王》的文凱玲（Connie），去年7月宣布誕下囡囡，日前一家三口影賀年家庭照，相當溫馨。原來Connie的囡囡是早產BB，現時7個月大的她肥肥白白，家人也倍感安心。身為新手媽咪的Connie表示，大部分時間都由她湊BB，老公放工及放假時都會幫手，當B女眼瞓及肚餓時，就會找媽媽，想陪玩時候就找爸爸。

Connie開心說：「BB同我哋都好Close，成日望住我哋笑，Sweet到爆。阿女第一個新年要有儀式感，特意準備一家三口賀年家庭裝拍新年照。」拍攝期間，B女想將道具放入口，尤其是「道具桔」，在拍攝現場聽得最多是「呢個唔係食㗎﹗」。

Connie說：「時間過得很快，轉眼（B女）已經7個月大，每一日都會為阿女拍好多照片和視頻，還開了Ig帳號。為了更好地記錄她的成長片段，還開始學視頻剪接，翻看之前的照片時，會感嘆幾個月的變化已經很大。」

（即時娛樂）