請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

苑瓊丹入行受盡冷待 髮型師不滿有要求:你自己梳

苑瓊丹今個星期日將會作客王祖藍主持的節目《有個閨密叫祖藍》。

早就移居順德的苑瓊丹,近年將事業重心放在內地,甚少在香港節目露面。不過今個星期日苑瓊丹將會作客由王祖藍主持的綜藝節目《有個閨密叫祖藍》,仲罕有地分享自己在事業、愛情及婚姻方面經歷過的種種波折,當中更自爆曾經被髮型師發爛渣!

苑瓊丹近年專心內地發展。
仲成日拍抖音片氹內地網民。
苑瓊丹自爆試過得罪亞視高層。

苑瓊丹於1982年加入亞視第一期藝員訓練班而入行,仲透露自己會得罪亞視高層:「譬如有人誣蔑我,我會同高層解釋,就算佢話『唔聽呀,你出去啦』,我都會話『唔得!我一定要講。』人哋請你出去你都唔走、係都要講,其實好冇禮貌。」又透露當年在亞視化妝間受過不少受冷待,試過坐足一個鐘都冇人理,直到後來有化妝師點醒她自己去學化妝做「不求人」:「以後冇人可以掂我個妝,冇眉毛又好、彩虹眼影又好、畫星星眼都好,全部我自己化。」

無綫初期曾經被髮型師發爛渣叫佢自己梳頭。

不過學化妝都有好處,苑瓊丹自爆加入無綫初期都不好受,試過有次髮型師幫她梳頭,因為髮型唔連戲的關係苑瓊丹就出聲,點知就被髮型師發爛渣:「咁你自己梳!」苑瓊丹表示:「嗰吓要發脾氣好容易,要起身拍枱講粗口都得,但我當時諗咗諗決定吞咗佢。我拎起把梳,佢真係唔知我識梳,我咪自己吹自己梳,之後就起身走。」