🤣太耐無去長洲，原來都有唔少新店，無論行街定食野都豐富好多，咁耐無去都覺得幾有新意
💕長洲大魚蛋 $10/2
時來食坊：味道比較濃，魚蛋都彈牙d, 不過比起以前，味道無咁濃郁，仲記得以前食麻辣，真係好刺激，不過依家就輕微好多啦
海旁美食：尼間係一落船，食街第一間，不過質素就真係無咁好啦，魚蛋唔夠彈牙，味道都唔夠，所以行入d食上面個間仲好
🍹長洲角酪 $42
今次揀咗莓莓角酪，其實佢都紅咗好耐，甚至係開咗分店，不過我就今次真係第一次飲，個人覺得味道係ok, 酸酸甜甜咁，下面就有d紫米，幾特別，好解渴，不過就無話好驚喜，價錢都偏貴，但都可以試下
🥧康蘭餅店
$10/4蛋撻
好耐以前去就已經係度，但一直都無話想試下佢d蛋撻，抵就一定好抵啦，雖然比正常蛋撻細d, 但味道一定唔會差，蛋香味夠，曲奇皮好脆，牛油味香，仲要熱辣辣，幾驚喜
🥣陳通記
係搵長洲美食嘅時候， 10個都有五個會介紹呢一間，所以就決定試吓，呢一間位於喺熟食中心入面嘅一間小店，最出名就係沙嗲牛米通。不過份量都真係幾多，細食嘅人記住一定要同人share，因為你仲可以留肚食其他嘢。味道方面就真係好濃郁啦，花生味都好重，米通彈牙，份量又多。不過食到一半其實都覺得太重口味，重口味人士可以真係去試吓
🥯長洲鐵漢
呢間最主要食串燒同埋其他燒物。我就試咗佢嘅炸平安包，平安包入邊其實就係奶黃流心餡，味道唔會落好甜，都唔會話好膩，都幾好食，不過食嘅時候真係小心啲，因為佢個餡都真係幾流心。另外如果佢味道再甜啲，我唔會再鍾意啲
🍦炸雪糕
個人認為炸雪糕都退步咗，個皮唔夠趣唔夠熱，冇咗以前識嗰種驚艷
🥭芒果糯米糍
芒果糯米糍無論食幾多次都覺得好好食，芒果又好夠甜，啲糯米皮好夠煙韌，好軟糯，又有米香。不過就建議可以行手信嗰條街有中間一間舖頭，佢就又大件又甜
📍 長洲
地點：#we2log_長洲
類別：#we2log_小食
▼ Follow we2log
留言 0