郭鋒喪妻跌入深淵無法演戲 與歐陽佩珊結婚組家成人生最大得着

曾效力麗的及TVB、現年70歲的資深演員郭鋒，自從太太歐陽佩珊在2017年因癌病離世後，因傷心過度而開始淡出幕前，甚少公開露面，近日他接受「香港演藝人協會」YouTube頻道的訪問，精神奕奕，但談到太太時郭鋒依然一臉傷感，十分長情，他更指家庭是自己人生中一大得着。

訪問甫開始郭鋒先大談自己入行經過，他又回想當時因拍《無語問蒼天》而認識了歐陽佩珊，二人於1977年結婚，婚後形影不離；十分恩愛。談到太太歐陽佩珊離世，郭鋒直言人生跌入谷底：「因為太太出咗事，本來我同TVB仲有兩套部頭，嗰時係散簽，唔得，我真係做唔到，心情唔得；埋唔到位，思潮太犀利，所以多謝TVB，唔好意思。」郭鋒又指當時的親人及朋友也十分關心他，尤其是太太的學生：「佢哋好關心我，亦都好擔心我，因嗰時我真係跌咗落去（心情低落），而家講起都有啲酸酸哋……」說畢郭鋒嗦鼻及揮手要求暫停拍攝。

郭鋒又表示不少人視事業十分重要；但亦有人以家庭為重，在他而言，家庭是自己人生中最大的得著，他謂：「好幸運，事業令到我認識咗我太太，呢個係天意一個安排。」談到有沒有代表作，郭鋒自言仍有很多不足之處：「如果你覺得嗰套係代表作，你就會停留喺嗰度，應該要繼續去鑽研，點樣令演戲有藝術性，演戲係有深度。」

更多最新疫情資訊，請到以下專頁瀏覽按此

立即下載 | 全新《星島頭條》APP : https://bit.ly/3yLrgYZ